Y Crynwyr yng Nghymru
Prosiect Croeso Ysbrydol
ENGLISH


Crynwyr Cymru


Croeso

Rhagair

Pennod 1

Pennod 2

Pennod 3

Pennod 4

Pennod 5

Pennod 6

Pennod 7

Pennod 8

Pennod 9

Pennod 10

Pennod 11

Atodiad I

Atodiad II

Atodiad III

Atodiad IV

Atodiad V

Atodiad VI

Cyfeiriadau

Cydnabyddiaeth

Rhestr o
Dermau’r Crynwyr

Contact us:
stevie.k
@tiscali.co.uk

This project
is entirely
funded by the
Joseph Rowntree
Charitable Trust

Rhagair

Yn ystod y prosiect hwn, clywsom gan gannoedd o Gyfeillion, pobl nad ydynt yn Gyfeillion a chyn-Gyfeillion, yng Nghymru a thu allan i Gymru. Adleisiwyd ein hamgyffred mewn nifer o fannau; daeth eraill gan unigolion. Gobeithiwn ein bod wedi parchu agwedd y Crynwyr trwy roi llawn cymaint o bwys i'r llais unigol ag y rhoddir i’r côr.

Wrth wneud yr argymhellion ynghylch newid, nid ydym yn awgrymu y dylid newid cymeriad sylfaenol Crynwriaeth. Ni allwn ac ni ddylem geisio sicrhau bod Crynwriaeth yn bopeth i bawb – y nod yw sicrhau bod map arbennig y Crynwyr ar gael i bawb sy'n debyg o weld y llwybr yn gydnaws, ac nid gwaredu’r hyn sy’n ei wneud yn wahanol. Nid ydym o’r farn ychwaith y dylai Cyfeillion geisio esgus eu bod yn rhywbeth nad ydynt er mwyn peri i newydd-ddyfodiaid deimlo’n fwy cysurus. Er y teimlwn y dylai’r Cyfeillion ymateb i ba mor sensitif yw newydd-ddyfodiaid (ac yn wir, eu gilydd) gymaint ag y bo modd, mae angen sicrhau cydbwysedd rhwng ystyried sensitifrwydd, a theimlo’n rhydd i fod yn chi eich hun a mynegi’ch gwir safbwyntiau. Rydym wedi gwneud ein gorau glas i geisio dod o hyd i ffyrdd lle y gall Crynwyr fod yn fwy ffyddlon i’w galwad, beth yw’r rhwystrau dianghenraid sy’n atal chwilwyr eraill rhag darganfod eu ffordd atom, a sut y gellir gwaredu’r rhwystrau hynny. Nid ydym yn dymuno cynnig cyngor delfrydol; fel y dywedodd un o’r rhai a ymatebodd, “Quakers are just ordinary people with as many character failings as others.” O bryd i’w gilydd, mae pob un ohonom yn siwr o beri loes neu dramgwydd yn anfwriadol i rhywun, neu fethu â chyrraedd ein safonau uchel ein hunain. Nid hunanfflangellu yw hyn, ond yn hytrach, mae’n ymwneud â gosod meincnod i’n hunain fel Crynwyr.

Rydym yn hynod o ddiolchgar am y fraint o fod wedi cael cyfarfod â’r holl unigolion a chyfarfodydd sydd wedi’n cynorthwyo. Roedd y rhan fwyaf ohonynt yn gobeithio, fel yr ydym ni’n gobeithio, y byddai eu cyfraniad nid yn unig yn cael ei ddarllen yn eiddgar ac, yn hytrach na chael ei anghofio, y byddai’n gymorth fyddai'n arwain at newid. Os na chyflawnwyd unrhyw beth arall, rydym wedi sicrhau dau beth trwy gynnal yr ymchwiliad hwn: rydym wedi codi proffil y Crynwyr ar hyd a lled Cymru ac rydym wedi annog y Cyfeillion yng Nghymru, ac efallai y tu hwnt, i ymateb i her croeso ysbrydol.

Dai Jenkins, Dafydd Jones, Stevie Krayer a Deborah Rowlands (Grwp Prosiect Croeso Ysbrydol)
Ebrill 2003

Sylwer: Yn y mwyafrif o achosion, rydym wedi defnyddio termau Cyfaill a Chrynwr wrth gyfeirio at bawb sy’n mynychu cyfarfodydd y Crynwyr ac sy’n teimlo’u bod yn perthyn, pa un a ydynt yn aelodau ffurfiol o Gymdeithas Grefyddol y Cyfeillion neu beidio. Mae’r rhestr ar y dudalen nesaf yn esbonio termau eraill y Crynwyr.

Yn ôl i'r brig